උඩරට සිංහල මනාලියගේ වස්ත‍්‍රාභරණ කට්ටලය හා බැඳුණු සංස්කෘතික පසුබිම පිළිබඳ විමර්ශනාත්මක අධ්‍යයනයක්
Abstract
කිසියම් රටක ජනතාවට ආවේණික වූ ඇඳුම් පැළඳුම් යනු සංස්කෘතිය පිළිබිඹු කරන එක් සුවිශේෂී පැතිකඩකි. උඩරට සිංහල මනාලිය ලාංකේය අනන්‍යතාව පිළිබිඹු කෙරෙන ප‍්‍රබල සංස්කෘතික මානයක් වී ඇත්තේ ඇයටම ආවේණික වූ වස්ත‍්‍රාභරණ හේතුවෙනි. දහ අට වන සියවසයේ ද’ උඩරට කුලවත් කාන්තාවන්ගේ ඇඳුම් පැළඳුම් තුළින් ප‍්‍රභවය වූ උඩරට මනාලියගේ ඔසරි විලාසිතාවත්, විදේශ’ය ප‍්‍රභවයක් සහිත වූ ද මෙරට ජනතාවගේ වන්දනාමානයට පාත‍්‍රවන පත්තිනි මෑණියන්ගේ ආභරණ කට්ටලයට ආදේශකයක් ලෙස නිර්මාණය වූ ආභරණ කට්ටලයෙනුත් උඩරට මනාලියක් හැඩවෙයි. ලාංකේය උඩරට සිංහල මනාලියගේ වස්ත‍්‍රාභරණ කට්ටලය හා බැඳී පවතින සංස්කෘතික පසුබ්ම පිළිබඳ අධ්‍යයනය කිර’ම මෙහි ප‍්‍රධානතම අරමුණයි. වත්මන් භාවිතය තුළ මෙම වස්ත‍්‍රාභරණ කට්ටලයේ මූලික සංස්කෘතික හර පද්ධතීන් යටපත් වී තිබේ ද? යන්න අධ්‍යයන ගැටලුව විය. හෙළ සංස්කෘතික උරුමයක ඓතිහාසික හා වත්මන් තත්ත්වය අධ්‍යයනය කරමින් සිදු කැරුණු මෙම පර්යේෂණය සඳහා පුස්තකාල අධ්‍යයනයත්, ක්ෂේත‍්‍ර අධ්‍යයනය මඟින් උඩරට මනාලියගේ වස්ත‍්‍රාභරණ පිළිබඳ ඓතිහාසික පසුබිමට අදාළ දත්ත ලබා ගන්නා ලදී. වත්මන් සමාජ ආකල්ප හා භාවිතාවන් අධ්‍යයනය සඳහා මහනුවර හා මහරගම ප‍්‍රාදේශ’ය ලේකම් කොට්ඨාසයන් ඇසුරින් සම්මුඛ සාකච්ඡුා සඳහා අවශ්‍ය දත්ත දායකයින් තෝරා ගැනිණි. උක්ත මූලාශ‍්‍රයන් හරහා ලබා ගන්නා ලද දත්ත ගුණාත්මක පර්යේෂණයක් ලෙස විශ්ලේෂණය කරන ලදී. උඩරට මනාලියගේ වස්ත‍්‍රාභරණ කට්ටලය ආගජික හා සමාජ’ය පසුබ්මක් මත නිර්මාණය වූවකි. ඒ සඳහා කුල ස්තරායණය විශේෂයෙන් ම පදනම් වී තිබේ. මෙම වස්ත‍්‍රාභරණ කට්ටලය පැළැඳීම තුළ කාන්තාව පතිනියක ලෙස සමාජයේ ප‍්‍රශංසා ලබන බවත් සෑම ආභරණ අංගයක්ම ඔත්තේ සංඛ්‍යා මත නිර්මාණය වීම හා අර්ථයක් සහිතව පැළඳීම තුළ කාන්තාවට සුබපල ගෙන එන බවත් මනාව පැහැදිලි විය. එහෙත් උඩරට ප‍්‍රදේශයේ සිංහල කුලවත් කාන්තාවන් පමණක් තම විවාහයේ ද’ පැළැඳි මෙම ඇඳුම් කට්ටලය දේශ’ය විදේශ’ය භේදයකින් තොරව නූතන විවාහ සම්ප‍්‍රදාය තුළ ජනප‍්‍රිය අංගයක් බවට පත්ව තිෙබි. වර්තමානය වන විට මෙය ප‍්‍රදර්ශනාත්මක අංගයක් බවට පත්ව ඇති බවත්, වර්ණ භාවිතය, මෝස්තර භාවිතය අතීතයේදී අර්ථාන්විතව සිදුවන නමුත්, වර්තමානයේ දී මෙම ආභරණ විසිතුරු බව පදනම්ව නිර්මාණය වී ඇති බවත්, චාරිත‍්‍ර වාරිත‍්‍ර පිළිබඳව වත්මන් තරුණ පරපුර නොදැනුවත් හා නොවැදගත් ලෙස සලකන බව අධ්‍යයනයෙන් පැහැදිලි විය. තාක්ෂණයේ දියුණුවත් සමඟ සමාජ තත්ත්වය වෙනස්වීමෙන් පුද්ගල ආකල්ප වෙනස් වීම උඩරට මනාලියගේ වස්ත‍්‍රාභරණ භාවිතයට ද බලපා තිෙබි. ආගජික සහ සමාජ’ය පසුබ්මක් මත සම්භවය ලද උඩරට මනාලියගේ වස්ත‍්‍රාභරණ කට්ටලය වර්තමානය වන විට හෙළ සංස්කෘතික ඌරුවෙන් බැහැරව වාණිජත්වය මත පදනම්ව ව්‍යාපාරයක් ලෙස සමාජය තුළ ඉස්මතුව පවතින බව අධ්‍යයනයෙන් අනාවරණය විය.
ප‍්‍රමුඛ පද: පත්තිනි දෙවියන්, ස්තරායනය, ඔසරිය, හෙළ කලා
